ஆண்டு முழுவதும் ஒரே விதமான உணவை உண்ணும் பழக்கம் உடலுக்கு நல்லதல்ல.

நோயற்ற நல்ல உடல் நிலையில் நீங்கள் இருந்தாலும், பருவகால மாற்றங்களுக்கு ஏற்ப உடலில் வாதம், பித்தம், கபம் எனும் இயக்கங்கள் மாறிக்கொண்டே இருக்கின்றன.

அவைகளுக்கு தக்கபடி உணவு முறைகளையும் மாற்றுவதே ஆரோக்கியமான வாழ்க்கை முறை. ஆண்டு முழுவதும் ஒரே விதமான உணவை உண்ணும் பழக்கம் உடலுக்கு நல்லதல்ல.

சரி, முதலில் ஒரு ஆண்டில் என்னென்ன பருவ மாற்றங்கள் வருகின்றன என பார்ப்போம்.

ஒரு ஆண்டை ஆறு பருவங்களாக பிரித்துள்ளோம்.

கார்காலம் – ஆகத்து – செப்டம்பர்

கூதிர் காலம் – அக்டோபர் – நவம்பர்

முன்பனிக்காலம் – திசம்பர் – சனவரி

பின்பனிக்காலம். – பிப்ரவரி – மார்ச்சு

இளவேனில் காலம் – ஏப்ரல் – மே

முதுவேனில் காலம் – சூன் – சூலை

இனி எந்தெந்த காலங்களில் உடலில் என்னென்ன மாற்றங்கள் ஏற்படும், அதற்கேற்ப உணவில் என்னென்ன மாற்றங்கள் செய்துகொள்ள வேண்டும் என்பதை பார்ப்போம்.

முதலில் இப்போது நடந்து கொண்டிருக்கும் பனிக்காலத்தை பார்ப்போம்.

முன்பனிக்காலம்:

இந்தப் பருவத்தில் கீழ்க்காற்று வீசும். உடல் குளிர்ச்சி அடையும். புறச்சூல்நிலையோடு நேரடி தொடர்பில் உள்ள தோல் சுருங்கும். மயிர் துவாரங்கள் மூடும். எனவே உடல் உட்சூடு மிகுந்து பசி அதிகரிக்கும். இக்காலத்தில் காலையில் வழக்கமாக சாப்பிடும் நேரத்திற்கு முன்னதாகவே சாப்பிடலாம்.

இக்காலத்தில் உடலில் வாதம் அதிகரிக்க துவங்கும், எனவே வாதத்தை நீக்கக்கூடிய தைலங்களை தலையிலும் உடலிலும் தேய்த்து வெந்நீரில் குளிப்பது நல்லது.

நெய்பசையுள்ள உணவை இக்காலத்தில் உண்ணவேண்டும்.

இக்காலத்தில் வியர்த்தல் நல்லது. எனவே மாலையில் வெயிலில் நடந்து வியர்வை வரும்படி செய்வது நல்லது.

இக்காலத்தில் தரை குளிர்ச்சியாக இருக்கும், எனவே வீட்டிற்கு உள்ளேயும் செருப்பு அணிந்து நடப்பது நல்லது.

இரவில் உறங்கும் போது தலையை தவிர உடல் முழுவதும் போர்த்திக்கொண்டு படுப்பது நல்லது.

(நமக்காக இத்தனை அக்கறை எடுத்துக்கொள்ளும் நாம் இந்த குளிர் காலத்தில் நடைபாதையில் படுத்திருப்பவர்களுக்கு என்ன செய்யலாம் என்பதையும் சேர்த்து செயல்படுத்துவதே உண்மையான முழுமையான ஆரோக்கியம்)

பொதுவாக இக்காலத்தில் இனிப்பு, புளிப்பு, உப்பு சுவைகள் நல்லது. நெய் தன்மையும் குளிர்ச்சியும் உள்ளவை நல்லது.

பின்பனிக்காலம்:

பின்பனிக்காலத்தில் உடலுள் கபம் அதிகரிக்கும்.

முன்பனிக்காலத்திற்கு சொன்ன அதே உணவும் செயல்முறைகளும் பின்பனிக்காலத்திற்கும் பொருந்தும்.

பொதுவாக இக்காலத்தில் இனிப்பு, புளிப்பு, துவர்ப்பு சுவையுள்ள உணவுகள் நல்லது.

இளவேனில் காலம்:

பின்பனிக்காலத்தில் உடலில் அதிகரித்த கபம் இளவேனில் காலத்தில் இன்னும் அதிகரித்து, அதனால் பசி மந்தப்படும். கோழை அதிகரிக்கும்.

இக்காலத்தில் சித்த மருத்துவரின் ஆலோசனையுடன் வாந்தி உண்டாக்கும் மருந்தை எடுத்துக்கொள்ள வேண்டும்.

இக்காலத்தில் நசிய சிகிச்சை செய்துகொள்வது நல்லது (மூக்கில் மூலிகை சாற்றின் சொட்டுக்களை விடும் சிகிச்சை முறை)

இக்காலத்தில் உடற்பயிற்சி செய்வது அவசியம்.

பகலில் உறங்குவதை இக்காலத்தில் செய்யக்கூடாது. அதேபோல இக்காலங்களில் இரவில் விழித்திருக்க கூடாது.

பொதுவாக இக்காலத்தில் கசப்பு, காரம், துவர்ப்பு சுவையுள்ள உணவுகள் நல்லது. வறட்சியான மற்றும் சூடுள்ள உணவு நல்லது.

முதுவேனிற்காலம்:

இக்காலத்தில் வெப்பம் அதிகரிக்கும், எனவே. உடலில் உள்ள கோழை உலர்ந்து வாதம் அதிகரிக்கும். புளிப்பு மற்றும் காரமான உணவுகளை இக்காலத்தில் தவிர்க்க வேண்டும். சம்பா அரிசி வகைகள் உண்பது நல்லது.

நெய்பசையும் நீர்ச்சத்தும் உள்ள உணவுகள் இக்காலத்துக்கு நல்லது. வாழை, மாதுளை, திராட்சை, கரும்புச்சாறு, பனங்கற்கண்டு போன்றவை எடுத்துக்கொள்வது நல்லது.

பொதுவாக இக்காலத்தில் இனிப்பு சுவையுள்ள உணவுப்பொருள் நல்லது. நெய்ப்பசையுள்ள உணவும் குளிர்ச்சியான உணவும் நல்லது.

கார்காலம்:

அதாவது மழைக்காலம்.

இக்காலத்தில் உடலில் பித்தம் அதிகரிக்க ஆரம்பிக்கும். மேலும் மற்ற இரண்டு குற்றங்களும் கூடும். நீண்டகாலம் நிலம் சூடாக இருந்து அதைத் தொடர்ந்து மழை பெய்வதால், நீர் புளிப்புத் தன்மை அடைகிறது. அதாவது நீரின் அமிலத்தன்மை அதிகரிக்கிறது.

இக்காலத்தில் பேதியை உண்டாகும் மருந்து எடுத்துக்கொள்வது நல்லது. இக்காலத்தில் நெய்பபசையுள்ள உணவுகளை நீக்க வேண்டும்.

உடலில் நீராவி மற்றும் குளிர்ச்சி படுவதை தவிர்க்க வேண்டும். எளிதில் சீரணமாகும் உணவையே உண்ணவேண்டும்.

பொதுவாக இக்காலத்தில் இனிப்பு, புளிப்பு, உப்பு சுவையுள்ள உணவுப்பொருள் நல்லவை.

கூதிர் காலம்:

இக்காலத்தில் தயிர், எண்ணெய், கொழுப்பு போன்றவற்றை தவிர்க்க வேண்டும். அதிக உப்புள்ள பொருட்களை தவிர்க்க வேண்டும். வயிறு நிறைய உண்ணக்கூடாது.

பொதுவாக இக்காலத்தில் இனிப்பு, புளிப்பு, துவர்ப்பு சுவையுள்ள உணவுகள் எடுத்துக்கொள்ள வேண்டும்.

எல்லாக் காலங்களிலும் ஆறுசுவைகளும் உணவில் சேர்த்து சாப்பிடுவது நல்லது. ஆனாலும் அந்தந்த காலங்களில் மேற்கூறிய சுவைகளை அதிகமாக எடுத்துக்கொள்வது உடலுக்கு நல்லது.

மருத்துவ ஆலோசனைக்கு:

Dr. ஜெரோம் சேவியர் B.S.M.S., M.D

சித்தமருத்துவ மையம்,

டாக்டர்ஸ் பிளாசா,

சரவணா ஸ்டோர் எதிரில்,

வேளச்சேரி பேருந்து நிலையம் அருகில்,

வேளச்சேரி, சென்னை.

அலைபேசி எண்: 9444317293

இணையதள முகவரி:www.doctorjerome.com

மின்னஞ்சல் முகவரி :drjeromexavier@gmail.com

முகநூல் முகவரி: https://www.facebook.com/jerome.xavier.5209?fref=ts

சித்த மருத்துவம் ஒன்றும் முற்றிய நோய்களுக்கான மருத்துவமல்ல

எந்த நோயானாலும் சரி, அதற்கு ஆரம்ப நிலையிலேயே சித்தமருத்துவ சிகிச்சை எடுத்துக் கொண்டால் சுலபமாக சரிசெய்துவிட முடியும். அதுமட்டுமல்ல, அந்நோய் மீண்டும் வராமலே தடுத்துவிடவும் முடியும்.

ஆனால், என் அனுபவத்தில் நோயாளிகளிடம் நான் பார்க்கும் ஒரு பெரிய தவறு என்னவென்றால், முதலில் ஏதேனும் ஒரு மருத்துவ முறையைப் பார்க்க வேண்டியது, (ஒருவேளை அந்த மருத்துவ முறையில் அந்த நோயை குணமாக்கக்கூடிய மருந்துகள் எதுவும் இல்லாமல் இருக்கலாம். மாறாக வெறும் நிவாரணம் மட்டும் இருக்கலாம்) இப்படியே பல ஆண்டுகள் தொடர்ந்து அந்த மருத்துவ முறையிலேயே சிகிச்சை எடுப்பர். இதற்குள் நோய் முற்றிவிடும். பிறகு மாற்று மருத்துவம் ஏதாவது செய்து பார்க்கலாமே என்று முடிவெடுத்து சித்த மருத்துவரிடம் வருவர்.

எந்த மருத்துவ முறையாக இருந்தாலும் சரி, நோய் மிகவும் முற்றிய நிலையில் குணமாக்குவது கடினம்.

ஒரு சில நோய்களுக்கு சித்த மருத்துவம் எடுத்துக் கொள்வதே சிறந்தது.

“என்னென்ன நோய்களுக்கு சித்த மருத்துவம் எடுத்துக் கொள்வதே நல்லது” என்ற கட்டுரையில் (இந்த கட்டுரை (http://siragu.com/?p=18084) இந்த இணையதளத்திலேயே உள்ளது) இந்த நோய்களுக்கு சித்த மருத்துவமே சிறந்தது.

ஒரு உதாரணத்திற்கு வெண்புள்ளி நோயை வைத்து விளக்குகிறேன்.

வெண்புள்ளி நோயை சித்த மருத்துவத்தில் எளிதாக குணப்படுத்தி விடமுடியும். ஆனால்,

•    நோய் ஆரம்பிக்கும் போதே உதடு, ஆண்குறி போன்ற இடங்களில் தோன்றினால் குணமாவது கடினம்.

•  வெண்படை உள்ள இடத்தில் உள்ள தோல் மட்டுமல்லாமல், அந்த இடங்களில் உள்ள முடிகளும் (Hair) சேர்ந்து வெண்நிறம் அடைந்தால் நோய் குணமாவது கடினம்.

இப்படி ஒவ்வொரு நோயையும் ஒருசில குறிகுணங்களைக் கொண்டு அந்நோயை எளிதாக குணப்படுத்த முடியுமா, அல்லது கடினமா, அல்லது குணப்படுத்தவே முடியாதா என முன் கூட்டியே கணிக்க முடியும்.

இங்கு நான் கூற வருகிற முக்கியமான செய்தி என்னவென்றால், வெண்புள்ளி நோயில் மேற்கூறிய குறிகுணங்கள் இல்லாமல் எளிதில் குணமாகக்கூடிய வகையைச் சேர்ந்த வெண்புள்ளி நோயாக இருந்தாலும், நோய் ஆரம்பித்து இரண்டு வருடங்களுக்கு மேல் ஆகியிருந்தாலும் குணமாவது கடினம்.

ஒரு உதாரணத்திற்காகத்தான் வெண்புள்ளி நோயை இங்கே குறிப்பிட்டேன். இதேபோல ஒவ்வொரு நோயிலும் ஒரு குறிப்பிட்ட காலகட்டத்திற்கு மேலும் சிகிச்சை எடுக்காமல் அல்லது சரியான சிகிச்சை எடுக்காமல் வைத்திருந்தால் குணமாகாத நிலைக்கு சென்றுவிடும். அதன் பிறகு மருந்துகளோடு போராடி பயனில்லை.

இந்த இடத்தில் இன்னொன்றையும் புரிந்துகொள்ள வேண்டும். எல்லா நோய்களுக்குமே தீரும் நிலை, தீரா நிலை என்ற வேறுபாடு உள்ளது.

தீரும் நிலை, தீரா நிலை என்றால் என்ன?

ஒவ்வொரு நோய்க்கும் பல குறிகுணங்கள் இருக்கும். அந்த குறிகுணங்களில் ஒரு சில குறிகுணங்களைக் கொண்டு இந்த நோய் குணமாகும், அல்லது இந்த நோய் முறையாக தொடர்ந்து இத்தனை காலம் மருந்து சாப்பிட்டு வந்தால் குணமாகும், அல்லது இந்த நோய் குணமாகாது என முதலிலேயே முடிவுக்கு வரமுடியும்.

ஆக எல்லா நோய்களையுமே ஆரம்ப நிலையிலேயே சித்த மருத்துவரை அணுகி சிகிச்சை எடுத்துக் கொள்வது அவசியம்.

அதே போல எல்லா நோய்களுமே அதாவது எளிதில் குணமாகும் என்ற நிலையில் உள்ள நோய்கள்கூட, மிக முற்றிய நிலையில் குணமாவது கடினம்.

அப்படியிருக்க நோய் வந்தவுடன் ஒரு மருத்துவமுறையை பின்பற்றிவிட்டு, பிறகு நோய் முற்றிய நிலையில் இதற்கு சித்த மருத்துவம் செய்து பார்ப்போமே என்று வருவது புத்திசாலித்தனம் அல்ல.

மருத்துவ ஆலோசனைக்கு:

Dr. ஜெரோம் சேவியர் B.S.M.S., M.D

சித்தமருத்துவ மையம்,

டாக்டர்ஸ் பிளாசா,

சரவணா ஸ்டோர் எதிரில்,

வேளச்சேரி பேருந்து நிலையம் அருகில்,

வேளச்சேரி, சென்னை.

அலைபேசி எண்: 9444317293

இணையதள முகவரி:www.doctorjerome.com

மின்னஞ்சல் முகவரி :drjeromexavier@gmail.com

முகநூல் முகவரி: https://www.facebook.com/jerome.xavier.5209?fref=ts

உங்கள் உடலை உங்களுக்கு அறிமுகப்படுத்துகிறேன்

உடலில் உள்ள உறுப்புகளின் அடிப்படையில் எல்லா உடல்களும் ஒரே மாதிரியானவைதான். ஆனால் செயல் அடிப்படையில் மூன்று விதமான உடல் வாகு உள்ளது.

1. வாத உடல்
2. பித்த உடல்
3. கப உடல்

இதில் உங்கள் உடல் எந்த வகையானது என உங்களுக்குத் தெரியுமா?

எவ்வாறு மூன்று விதமான உடல் உருவாகிறது?

ஆணின் விந்தணுவும், பெண்ணின் கருமுட்டையும் இணைந்தே கரு உருவாகிறது. அவ்வாறு உருவாகும் நேரத்தில் வாதம், பித்தம், கபம் எனும் மூன்று இயக்கங்களில் எந்த இயக்கம் அதிகமாக செயல்படுகிறதோ அந்த அடிப்படையிலேயே அந்த கரு, உடலாக உருவாகிறது.

வாதம் மிகுந்த நிலையில் உருவாகும் கருவிலிருந்து வரும் உடல் வாத உடலாகவும்,பித்தம் மிகுந்த நிலையில் உருவாகும் கருவிலிருந்து வளரும் உடல் பித்த உடலாகவும்,கபம் மிகுந்த நிலையில் உருவாகும் கருவிலிருந்து வரும் உடல் கப உடலாகவும் அமைகிறது.

இவைமட்டுமல்லாது கலப்பு உடல் அமைப்பும் உள்ளது. இவற்றையெல்லாம் மிகச் சரியாகக் கூறவேண்டுமானால் அடிப்படையாக நாடியை பரிசோதிக்க வேண்டும். மேலும் பல பரிசோதனைகளின் மூலமே ஒருவர் என்ன தேக நிலையை உடையவர் என கூற முடியும்.

ஆனாலும் சில பொதுவான குறிகுணங்களைக் கொண்டு தேக நிலையை வகைப்படுத்தலாம்.

வாத உடலினர் எப்படி இருப்பர்:

-மெலிந்து உயர்ந்த உடல்.

-பருத்த அடித்தொடைகள்.

-நடக்கும்போது மூட்டுகளில் ‘டக்’ என சத்தம் வருதல்.

-தடித்த இமைகள்.

-கறுத்து, முனை பிளந்த தலைமுடி.

-கருமை வெண்மை கலந்த உடல் நிறம்.

-இனிப்பு, புளிப்பு, உப்பு, சூடுள்ள பொருள்களில் விருப்பம்.

-குளிர்ச்சியான பொருட்கள் பிடிக்காது.

-அதிகம் சாப்பிடுவர் ஆனாலும் உடல் வலிமை குறைவாகவே இருக்கும்.

-உணர்ச்சி, அறிவு ஆகியவை நிலையில்லாதது.

-இசை, விளையாட்டு, அவமதிப்புச்சிரிப்பு போன்றவற்றில் விருப்பம் இருக்கும்.

-ஈகை குணம் காணப்படாது.

-புலமைத் திறமை இருக்கும்.

பித்த உடலினர் எப்படி இருப்பர்:

-உடலில் எப்போதும் வெப்பம், வியர்வை காணப்படும்.

-உள்ளங்கை,உள்ளங்கால் சிவந்தும் மஞ்சள் நிறம் பெற்றும் இருக்கும்.

-இமைகள் மெல்லியதாய் இருக்கும்.

-வெயில்,கோபம் இவற்றால் கண்கள் சீக்கிரம் சிவந்துவிடும்.

-மது அருந்தினால் கண்கள் விரைவில் சிவந்துவிடும்.

-தலைமுடி சற்று மஞ்சள் நிறத்தில்(செம்பட்டை) காணப்படும்.

-உடலில் உரோமங்கள் குறைவாகக் காணப்படும்.

-சீக்கிரம் நரைக்கும்.

-இனிப்பு, துவர்ப்பு, கசப்பு, குளிர்ச்சியான பொருட்கள் பிடிக்கும்.

-பசி, தாகம், சூடு ஆகியவற்றை தாங்கிக் கொள்ள முடியாது.

-தைரியம், எதிலும் வெறுப்பு, தர்மகுணம், அறிவாற்றல் ஆகியவை இருக்கும்.

கப உடலினர் எப்படி இருப்பர்:

-பருத்த உடல்

-பரந்த நெற்றி

-கசப்பு, காரம், துவர்ப்பு ஆகியவைகளில் விருப்பம்

-சூடான உணவை விரும்புவர்.

-பசி, தாகம் பொறுத்துக்கொள்வர்.

-உடல் வலிமை இருக்கும்.

-குறைந்த அளவே சாப்பிடுவர்.

-அமைதியான குணம்

இவை தவிர,

வாத பித்த தேகம்

வாத கப தேகம்

பித்த வாத தேகம்

பித்த கப தேகம்

கப பித்த தேகம்

கப வாத தேகம்

என கலப்பு உடலினரும் உள்ளனர்.

எனவே மேலே கூறிய ஒன்றிரண்டு குறிகுணங்களை மட்டும் வைத்து ஒருவர் இந்த வகையான உடல் அமைப்புடையவர்கள் என சட்டென முடிவுக்கு வந்துவிடக்கூடாது.

ஆனாலும் அடிப்படையில் மூன்று விதமான உடல் இயங்கியல் உள்ளது என்பதை உங்களுக்கு அறிமுகப்படுத்துவதற்காகத்தான் இந்த கட்டுரை.

மருத்துவ ஆலோசனைக்கு:

Dr. ஜெரோம் சேவியர் B.S.M.S., M.D

சித்தமருத்துவ மையம்,

டாக்டர்ஸ் பிளாசா,

சரவணா ஸ்டோர் எதிரில்,

வேளச்சேரி பேருந்து நிலையம் அருகில்,

வேளச்சேரி, சென்னை.

அலைபேசி எண்: 9444317293

இணையதள முகவரி:www.doctorjerome.com

மின்னஞ்சல் முகவரி :drjeromexavier@gmail.com

முகநூல் முகவரி: https://www.facebook.com/jerome.xavier.5209?fref=ts

சிறுநீரகக் கற்களை மருந்தினால் கரைக்க முடியும்- kidney stones

சிறுநீரகத்தில் உருவாகும் கற்களை அறுவை சிகிச்சை செய்யாமல் சித்தா மருந்துகள் சாப்பிடுவதாலேயே கரைக்க முடியும். எனவே அறுவை சிகிச்சையும் தேவையில்லை அதிக பணமும் தேவையில்லை.

சிறுநீரகத்தில் உருவாகின்ற கற்களைப் பொறுத்தவரையில்(kidney stones) மருந்துகள் கண்டுபிடிக்கவே முடியவில்லை என்கிற முடிவுக்கு அலோபதி மருத்துவம் வந்துவிட்டது.

ஆனால் சிறுநீரகக் கற்களை சித்த மருத்துவத்தில் மிகச் சாதாரணமாக மருந்துகளால் கரைத்து விட முடியும் என்கிற நற்செய்திதான் இந்த கட்டுரை.

“Attempts to develop drugs that dissolve stones have so far been unsuccessful ” அதாவது, சிறுநீரகங்களில் உருவாகும் கற்களை கரைப்பதற்கான மருந்துகளை கண்டறியும் முயற்சிகள் வெற்றியடையவில்லை என்கிறது அலோபதி மருத்துவம். எனவே சிறுநீரகக் கற்களுக்கு அறுவை சிகிச்சை அல்லது கதிர்வீச்சு சிகிச்சையை (ESWL) பரிந்துரைக்கின்றனர் .

அலோபதி மருத்துவத்தின் மருந்தியல் வளர்ச்சி என்பது அபரிமிதமானது. நாளொரு மேனியும் பொழுதொரு வண்ணமாக வளர்ந்து கொண்டிருப்பது. அதன் வளர்ச்சியை கழுத்து வலிக்க அண்ணார்ந்து பார்க்க வேண்டியதிருக்கிறது. அப்படியிருக்க அதனால் சிறுநீரகக் கற்களைக் கரைப்பதற்கு மருந்து தயாரிக்க முடியவில்லை என்பது எனக்கு ஆச்சரியமாக உள்ளது.

சிறுநீரகக் கற்கள் எனும் பிரச்சினையை ‘கல்லடைப்பு நோய்’ என சித்த மருத்துவம் நோய் கணிப்பு செய்கிறது.

சிறுநீரகக் கற்கள் என்றால் என்ன ?

சிறுநீரகங்கள் மற்றும் அவற்றிலிருந்து சிறுநீர்ப்பைக்கு சிறுநீரை கொண்டு செல்லும் சிறுநீர் குழாய்கள், சிறுநீர்ப்பை, சிறுநீர்ப்பையிலிருந்து சிறுநீர் வெளியேறும் வரை உள்ள எந்த இடத்திலும் உருவாகும் கற்களை சிறுநீரகக் கற்கள் என்கிறோம். சிறிய மணல் அளவு கற்களில் இருந்து பல மில்லி மீட்டர் அளவு வரை உருவாகலாம்.

அவைகளுடைய பகுதிப்பொருள்களால் அவை பல வகைப்படுகின்றன.

•    80% சிறுநீரகக் கற்கள் கால்சியம் தாதுவினால் உருவாகின்றன. அவை கால்சியம் ஆக்சலேட்களாலும்(Calcium oxalate), கால்சியம் பாஸ்பேட்களாலும்(Calcium Phosphate) உருவாகின்றன.
•    15% கற்கள் மக்னீசியம் அம்மோனியம் பாஸ்பேட்களால்(Magnesium Phosphate, ammonium Phosphate) உண்டாகின்றன.
•    இவை தவிர சிஸ்டைன்(Cystine) மற்றும் யூரிக் அமிலத்தாலும்(Uric acid) கற்கள் உண்டாகின்றன.

சிறுநீரகக் கற்கள் ஏன் உண்டாகின்றன ?

இரண்டு காரணங்கள்.

1.    நாம் உண்ணும் உணவும் நீரும் காரணம்.
2.    பரம்பரையாக வரும் உயில் எழுதாத சொத்து.

யாருக்கெல்லாம் சிறுநீரகக் கற்கள் வரலாம்?

போதுமான அளவு நீர் குடிக்காமல் இருப்பவர்கள்.
புரதப்பொருள் அதிகம் உள்ள உணவுப்பொருட்கள் அதிகம் சாப்பிடுவார்கள்.
“என்ன சமைக்கிற… உப்பே பத்தல….. இன்னும் கொஞ்சம் உப்பு போடு…” என்று பேசும் நாக்கு உள்ளவர்கள்.
திராட்சை பழச்சாறு, ஆப்பிள் பழச்சாறு அதிகம் குடிப்பவர்கள்.
கால்சியம் மாத்திரைகளை அதிக வருடங்கள் எடுத்துக் கொள்பவர்கள்.

சில நோய் நிலைகளில் உள்ளவர்களுக்கு சிறுநீரகக் கற்கள் உருவாகலாம். உதாரணமாக இரத்தத்தில் கால்சியம் அளவை அதிகரிக்கக்கூடிய பாரா தைராய்டு போன்ற பிரச்சினைகள் உள்ளவர்கள்.
பரம்பரை சொத்தாக கற்களைப் பெறுபவர்கள்.

பெரும்பாலும் ஆண்களுக்கு இந்நோய் உண்டாகிறது.

கல்லடைப்பு நோயின் குறிகுணங்கள்:

3 மில்லி மீட்டர் அளவு வரையிலான கற்கள் தானகவே சிறுநீர் கழிக்கும் போது வெளியே வந்துவிடும்.
அதற்குமேல் பெரியதான கற்கள் சிறுநீரகத்திலோ சிறுநீரகத்திலிருந்து சிறுநீர்ப்பைக்கு செல்லும் குழாயிலோ, சிறுநீர்பையிலிருந்து சிறுநீர் வெளியேறும் துவாரம் வரையிலோ எங்கேனும் அடைத்துக்கொண்டு அல்லது சிக்கிக்கொண்டு வலியை ஏற்படுத்தும்.
தொப்புள், உள்தொடை, ஆண்குறி, பெண்குறி, அடி முதுகு, போன்ற பகுதிகளில் வலி ஏற்படும்.
வலியைத் தொடர்ந்து வாந்தி வரும் உணர்வு (ஓக்காளம்).
வாந்தி எடுத்தல்.
சுரம்.
சிறுநீரில் இரத்தம் வருதல்.
சிறுநீர் கழிக்கும்போது வலி எடுத்தல்.
போன்ற குறிகுணங்கள் காணப்படும்.

நோயை எவ்வாறு கண்டறிவது ?:

மேற்கூறியவாறு கற்கள் உண்டாவதற்கான வாய்ப்பு உள்ளவர்கள் வருடத்திற்கு ஒருமுறை சிறுநீரகம் மற்றும் சிறுநீர்ப்பையை நுண்கதிர் சோதனை (Scan) செய்து பார்த்துக்கொள்வது நல்லது. (பொதுவாக 30 வயதுக்கு மேற்பட்டவர்கள் வருடத்திற்கு ஒருமுறை முழு வயிற்றுப்பகுதியையும் நுண்கதிர் சோதனை  (Ultra sound scan – KUB)செய்து பார்த்துக்கொள்வது நல்லது.)

சித்த மருத்துவம் வகைப்படுத்தும் கற்களின் வகைகள்:

வாத கல்லடைப்பு
பித்தகல்லடைப்பு
கப கல்லடைப்பு
வெண்ணீர் கல்லடைப்பு

என கல்லடைப்பு நோய் நான்கு வகைப்படுகிறது.

வாத கல்லடைப்பு நோயில் கற்கள் முள் போன்று கருமையாக இருக்கும். இந்நோயில் சிறுநீர்ப்பையில் வலி இருக்கும்.

பித்த கல்லடைப்பு நோயில் கற்கள் செம்மை கலந்த மஞ்சள் நிறத்தில் இருக்கும். இந்நோயில் சிறுநீர்ப்பையில் கொதிப்பும் எரிச்சலும் இருக்கும்.

கப கல்லடைப்பு நோயில் கற்கள் வெமையாக வழவழப்பான இருக்கும். சிறுநீர்ப்பை குளிர்ச்சியாக உணரப்படும். அந்த இடத்தில் ஊசியால் குத்துவது போல வலி இருக்கும் .

வெண்ணீர் கல்லடைப்பு ஆண்களுக்கு ஏற்படும் பிரச்சனை. விந்துக்கள் தொடர்பாக வரும் பிரச்சனை இது.

நல்ல உடல் நிலையில் உள்ள இளம் வயது ஆண்களுக்கு ஏன் கற்கள் உண்டாகின்றன என தெரியவில்லை என அலோபதி மருத்துவம் சொல்வதற்கான பதில் இங்கே இருக்கிறது.

மருத்துவம் :

சித்த மருத்துவத்தில் சில சுண்ணங்கள், பற்பங்கள், மற்றும் சில புகைநீர்கள் போன்ற கற்களை கரைக்கக்கூடிய வலிமையான மருந்துகள் உள்ளன. இவற்றுடன் சில மூலிகைகளின் குடிநீரையும் எடுத்துக்கொள்வதன் மூலம் கற்களை கரைக்க முடியும்.
அறுவை சிகிச்சை இல்லாமல் குணமாக்கக்கூடிய நோய்களில் சிறுநீரகக் கற்களும் ஒன்று.

மருத்துவ ஆலோசனைக்கு:

Dr. ஜெரோம் சேவியர் B.S.M.S., M.D

சித்தமருத்துவ மையம்,

டாக்டர்ஸ் பிளாசா,

சரவணா ஸ்டோர் எதிரில்,

வேளச்சேரி பேருந்து நிலையம் அருகில்,

வேளச்சேரி, சென்னை.

அலைபேசி எண்: 9444317293